O‘zbekiston superligasidan o‘rin olgan “Paxtakor” – “Metallurg” uchrashuvi yakuniga yetdi. “Paxtakor” stadionida kechgan bahsda mezbonlaring qo‘li baland keldi.
Uchrashuv teng kurashlar ostida boshlandi. O‘yinning 24-daqiqasiga kelib, muxlislar gol ko‘rishdi. Yaxshiboyevning burchakdan uzatgan to‘pini jamoa hujumchisi Tiago Bezzera boshi bilan darvozaga yo‘llab qo‘ydi. Birinchi bo‘lim shu tariqa yakunlandi.
Ikkinchi bo‘limda jamoalar gol urish uchun yaxshigina vaziyatlarga ega bo‘lishdi biroq o‘xshamadi, faqatgina 85-daqiqadan boshlab hammasi o‘zgarib ketdi. “Paxtakor” safida Masharipov o‘rniga Ismail Gonsalvesh tushirildi. Oradan to‘rt daqiqa o‘tib “Metallurg” futbolchilari Ismailni o‘z maydonlari ichida yiqitishdi. 11 metrlik nuqtaga yaqinlashgan Gonsalvesh zarbada adashmadi 2-0. O‘yinga qo‘shib berilgan vaqtda Ismail o‘zoqdan darvozaga zarba yo‘llab, hisobni yirik 3-0 ko‘rinishiga olib keldi.
Uchrashuv mezbonlarning yirik g‘alabasi bilan yakun topdi.
Superliga 18-tur.
“Paxtakor” – “Metallurg” (1-0, 3-0)
Gollar: 1:0 – 24 Bezerra, 2:0 – 90, penalti Gonsalvesh, 3:0 – 90+3 Gonsalvesh.
"Paxtakor": Eldorbek Suyunov, Vladimir Kozak (Farrux Sayfiyev, 74), Sherzod A’zamov, Yegor Krimes, Akmal Shorahmedov, Azim Ahmedov, Dilshod Rahmatullayev, Jaloliddin Masharipov (Ismoil Gonsalvesh, 85), Jasur Yaxshiboyev, Dragan Cheran (Jamshid Iskanderov, 64), Tiago Bezerra.
"Metallurg": Zafar Safoyev, Zoir Jo‘raboyev (Abror Husinov, 68), Abror Toshqo‘ziyev, Jasur Hasanov, G‘ayrat Umirov, Doniyor Hoshimov (SHahzod Shaymanov, 62), Andrey Shipilov, Sherzod Fayziyev, Muhammad Isayev (Zohid Abdullayev, 78), Bahodir Pardayev, Otabek Zokirov.
