Superliga 18-tur doirasida kechgan AGMK - «Buxoro» uchrashuvidan so‘ng mehmonlar bosh murabbiyi Ulug‘bek Baqoyev o‘yin borasidagi fikrlarini bildirib o‘tdi.
- To‘g‘risi bir narsa deyish qiyin. So‘nggi uchrashuvlardagi mag‘lubiyatlar bizga ruhan qattiq ta’sir qildi.
Shuning uchun bo‘lsa kerak, biz tezlikda ruhiy muammoyimizni bartaraf qilishga ulgurmayapmiz.
Deyarli har bir o‘yinda yigitlarda jarohat. O‘yinlar biz uchun og‘ir kechyapti. Lekin bu doimiy emas. Yigitlarga rahmat. AGMKni bugungi g‘alabasi bilan tabriklayman” - deydi bosh murabbiy.
«Buxoro» PFK matbuot xizmati
