O‘zbekiston futbol assosiasiyasi tomonidan yurtimizdagi yosh avlod o‘rtasida sog‘lom turmush tarzini targ‘ib qilish va futbolni yanada ommaviylashtirish borasida bir qator chora-tadbirlar amalga oshirilmoqda.
Yozgi ta’tilni davom ettirayotgan bolajonlarning bo‘sh vaqtini mazmunli o‘tkazishni ta’minlash maqsadida, ular o‘rtasida turli futbol musobaqalari tashkil qilinyapti.
Jumladan, Qoraqalpog‘iston Respublikasida 2006-2007 yillarda tug‘ilgan o‘smirlar o‘rtasida O‘zbekiston futbol assosiasiyasi Kubogi uchun musobaqa o‘tkazildi.
Mazkur musobaqada jami 14ta jamoa o‘zaro kurash olib borishdi.
Yakunda "Turon-25" jamoasi barcha raqiblaridan ustun kelib, O‘FA Kubogi g‘olibiga aylandi.
G‘oliblariga O‘zbekiston futbol assosiasiyasi tomonidan sertifikat, futbolka va futbol to‘plari topshirildi.
