Ўзбекистон футбол ассоциацияси томонидан юртимиздаги ёш авлод ўртасида соғлом турмуш тарзини тарғиб қилиш ва футболни янада оммавийлаштириш борасида бир қатор чора-тадбирлар амалга оширилмоқда.
Ёзги таътилни давом эттираётган болажонларнинг бўш вақтини мазмунли ўтказишни таъминлаш мақсадида, улар ўртасида турли футбол мусобақалари ташкил қилиняпти.
Жумладан, Қорақалпоғистон Республикасида 2006-2007 йилларда туғилган ўсмирлар ўртасида Ўзбекистон футбол ассоциацияси Кубоги учун мусобақа ўтказилди.
Мазкур мусобақада жами 14та жамоа ўзаро кураш олиб боришди.
Якунда "Турон-25" жамоаси барча рақибларидан устун келиб, ЎФА Кубоги ғолибига айланди.
Ғолибларига Ўзбекистон футбол ассоциацияси томонидан сертификат, футболка ва футбол тўплари топширилди.
