Braziliyalik Neymar soch turmagini tez-tez o‘zgartirib turadi, uning hamyurti Marselo esa bu borada ancha barqaror - «Real» vakili afro uslubiga sodiq. Umuman, futbol yulduzlari orasida antiqa soch turmagi bilan ajralib turadiganlari juda ko‘p.
Pol POGBA (Fransiya) - 25 yosh. «MYU» (Angliya) yarim himoyachisi
Pogba deyarli har oy yangi soch turmagini namoyish qilishga o‘rganib ulgurgan. Uning eng yorqin va noodatiy «ijod» namunalaridan biri - bu qizil-lolarang tusdagi irokez. Futbolchining boshida shuningdek, chaqmoq va alanga tasvirini ko‘rish mumkin.
NEYMAR (Braziliya) - 26 yosh. «PSJ» (Fransiya) hujumchisi
Braziliyalik yulduz jarohatdan keyingi tiklanish jarayonida zerikdimi, har holda, shaxsiy imidji bo‘yicha yana yangi tajribaga qo‘l urdi. Natijada futbolchi boshida dum shaklidagi afrogajak paydo bo‘ldi.
Maruan FELLAYNI (Belgiya) - 30 yosh. «MYU» (Angliya) yarim himoyachisi
Maruanning afro uslubi - uning shaxsiy belgisi. Umuman, futbolchi boshidagi ulkan «o‘rmon» sabab, necha yildirki, kalaka ostiga olinmoqda. Deylik, bu yil Belgiya jurnallaridan biri Fellaynini Mikki Maus obrazida talqin etdi.
Arturo VIDAL (CHili) - 30 yosh. «Bavariya» (Germaniya) yarim himoyachisi
Vidal ham ekstremal irokezi bilan mashhur. Aslida bu uslub futbolchilar orasida juda ommalashgan, lekin chililik yulduz bunga har doim qandaydir yangilik qo‘shadi.
Stefan al SHAARAVI (Italiya) - 25 yosh. «Roma» (Italiya) hujumchisi
Irokezga moyil yana bir hujumchi, farqi shuki, Stefan bunda sochini nisbatan uzaytiradi. Bu uslub «fir’avn» nomini ham olgan.
Marek GAMSHIK (Slovakiya) - 30 yosh. «Napoli» (Italiya) yarim himoyachisi
Eng telbavor irokez sohibi. Marekning soch turmagi ba’zida hattoki, dahshat uyg‘otadi, gohida yengil kulgu...
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
