Bugun "Napoli"ning slovakiyalik yarimhimoyachisi Marek Hamshik 31 yoshga to‘ldi.
"Xitoyga ketish haqida o‘ylagandim, ammo Karlo Anchelottining kelishi menga qo‘shimcha motivasiya berdi.
"Napoli" futbolkasi - mening ikkinchi terim, ammo skudettoni qo‘lga kiritmaganimizcha vazifa uddalanmagan hisoblanadi.
"Napoli"ni sevaman, muxlislar esa meni sevadilar. Hech qayerga ketmayman. Boshqa klublar bilan 10 ta sovrin yutgandan ko‘ra, "Napoli" bilan bittasini yutgan ma’qul.
Maradona har doim birinchi bo‘lib qolaveradi. Uning darajasiga yaqinlashishimni o‘ylash yoqimli, ammo buning uchun avval obro‘li sovrinlar yutish kerak", - deydi Hamshik.
