Bilasiz, ertaga “Lokomotiv” o‘z maydonida “Bunyodkor” jamoasiga qarshi maydonga tushadi. Bugun mazkur o‘yin oldidan har ikki jamoa rasmiylari ishtirokida yig‘ilish bo‘lib o‘tdi. Unda o‘yinning tashkiliy masalalari muhokama qilindi.

Qolaversa, ertangi bahsni jamoalar qanday rangdagi libosda o‘tkazishiga ham aniqlik kiritildi. Unga ko‘ra, “Lokomotiv” a’zolari qizil-yashil rangdagi formada maydonga chiqadi. “Bunyodkor” futbolchilari esa oq rangli libosda o‘yinni o‘tkazishadi.

Ta’kidlab o‘tamiz, “Lokomotiv” – “Bunyodkor” o‘yini ertaga Toshkentdagi “Lokomotiv” stadionida o‘tkaziladi. Uchrashuv soat 21:00da start oladi.