"Paxtakor" bosh murabbiyi Namangandagi uchrashuv oldidan bo‘lajak o‘yin haqida fikrlarini aytib o‘tdi.
- Bu yerda stadionda hamisha ajoyib muhit kuzatiladi. Muxlislar bilan to‘lgan holatda futbol o‘ynash har doim qiziqarli. Bu futbolchilarga ham qo‘shimcha kuch, hissiyotlar taqdim etadi.
"Navbahor" yaxshi o‘yin namoyish qiladigan jamoa. Ular har bir raqibga jiddiy qarshilik ko‘rsata olishadi. Qolaversa, keyingi bosqichda ochko beradigan uchrashuvlar ko‘proq ahamiyat kasb etadi. Hozir o‘z o‘yinimizni namoyish etib, g‘alaba qozonish uchun borimizni berish haqida o‘ylayapmiz.
