O‘zbekistonlik taniqli futbolchi 35 yoshli Server Jeparov Qozog‘istonning «Jetisu» klubi qarorgohiga yetib keldi. Bu haqda «KazFootball.kz» nashriga tayanib, «Sports.kz» xabar berdi.
Server Jeparov o‘z faoliyati davomida «Navbahor», «Paxtakor», «Bunyodkor», «Lokomotiv», «Seul», «Sonnam», «Ulsan Xyonde» klublarida to‘p surgan. U so‘nggi yillarda Eronda, avvaliga «Istiqlol», keyin esa «Sepaxon» klublarida to‘p surdi.
Jeparov 9 karra O‘zbekiston chempioni bo‘lgan. U ikki bor — 2008 va 2011 yillarda Osiyoning eng yaxshi futbolchisi deb topilgan.
Jeparov qozoq klubida ko‘rikdan o‘tadimi, yoki darhol shartnoma imzolaydimi, hozircha aniq emas. Transfer shartlari ham oshkor etilmayapti.
