Superliganing 20-turida muxlislar “Paxtakor” va "Lokomotiv" o‘rtasidagi qarama-qarshilikka guvoh bo‘lishadi.

Chempionatlar doirasida klublar 27 bor to‘qnash kelishgan. "Sherlar" 17 bellashuvda zafar quchishgan, 4 o‘yinda "Lokomotiv" g‘olib chiqqan. 6 uchrashuvda jamoalar durang o‘ynashgan. “Paxtakor” 58  gol urib, darvozasidan 23 to‘p olib chiqqan.

Ayni paytda jamoalar turnir jadvalida yuqori pog‘onalarni band etgan holda chempionlik uchun kurashni davom ettirishmoqda. Bu esa bellashuv ahamiyatini yanada oshiradi.

O‘z maydonidagi o‘yinlarda “Paxtakor” 9 g‘alaba, 2 durang va 2 mag‘lubiyatni qayd etgan.

2006 yil “Paxtakor” o‘z maydonidagi uchrashuvda 7:1 hisobida zafar quchgan. Bu o‘zaro o‘yinlar tarixidagi eng yirik natija sanaladi.

"Paxtakor" va "Lokomotiv" o‘rtasidagi 28-to‘qnashuv 1 avgust, chorshanba kuni "Paxtakor" stadionida soat 21:00da boshlanadi.