“Tottenxem” klubi bosh murabbiyi Maurisio Pochettino APL reformasini tanqid qildi. Ma’lumki, Angliyada transferlar oynasi 9 avgust kuni yopiladi. Qolgan chempionatlarda esa 31 avgust.
“Agar Angliyani Yevropaning boshqa chempionatlari bilan solishtirganda, transfer oynasining erta yopilishi bu klublar foydasiga ishlamaydi.
Biz bu yerda bir hil vaziyatdamiz, bilmadim boshqa murabbiylar bu haqda qanday fikrda, lekin men buni yaxshi deya olmayman. Agar to‘g‘ri bo‘lganida Yevropaning boshqa chempionatlari bilan kelishgan bo‘lardik. Bu aniq APL klublari zarariga ishlaydi.
Transferlar borasida Yevropaning boshqa klublari bilan bellashishga to‘g‘ri keladi, lekin bizda bozor 20 kun avval yopiladi. Bu mening fikrim, AFA bunga qanday qaraydi buni o‘zi biladi”, – deydi Pochettino.
