"Liverpul" bosh murabbiyi Yurgen Klopp matbuot Angliya futboli haqida nimalarni yozayotganini o‘qimasligini ma’lum qildi.
"Biz haqimizda nima deb yozishlarini o‘qigan kunim yo‘q. Menga haqiqatan qiziq emas. Agar yomon bo‘lsak, hammadan birinchi o‘zim bilaman, agar yaxshi bo‘lsak ham xuddi shunday. Shuning uchun ularni o‘qishdan ma’ni yo‘q.
Angliya futboli haqida o‘qimayman - shunchaki, to‘satdan nimagadir ko‘zim tushishi mumkin, shunda ham sarlavha xafa qilmaydigan bo‘lsa!
Ammo men jurnalistlar bilan yaxshi munosabatda bo‘lishni istayman. Men "buni kim yozdi" deya surishtirib, keyin o‘sha jurnalist bilan gaplashmay qo‘yadigan murabbiylardan emasman", - deydi Klopp.
