"Ливерпуль" бош мураббийи Юрген Клопп матбуот Англия футболи ҳақида нималарни ёзаётганини ўқимаслигини маълум қилди.
"Биз ҳақимизда нима деб ёзишларини ўқиган куним йўқ. Менга ҳақиқатан қизиқ эмас. Агар ёмон бўлсак, ҳаммадан биринчи ўзим биламан, агар яхши бўлсак ҳам худди шундай. Шунинг учун уларни ўқишдан маъни йўқ.
Англия футболи ҳақида ўқимайман - шунчаки, тўсатдан нимагадир кўзим тушиши мумкин, шунда ҳам сарлавҳа хафа қилмайдиган бўлса!
Аммо мен журналистлар билан яхши муносабатда бўлишни истайман. Мен "буни ким ёзди" дея суриштириб, кейин ўша журналист билан гаплашмай қўядиган мураббийлардан эмасман", - дейди Клопп.
