«MYU»ning pushtirang formasiga qanday qaraysiz? O, «Yuventus»! Krishtianu Ronalduni sotib olib, hammani hayrat ko‘chasiga yetaklagan Turin klubi chiqindidan futbolka «yasab», yana e’tibor markaziga tushdi.
Championat.com saytining quyidagi maqolasi aynan yangi mavsum uchun tayyorlangan eng kutilmagan dizaynga ega formalar haqida.
Asos - chiqindi
Oxirgi yillarda okeanlarning ifloslangani global muammo sifatida bot-bot tilga olinmoqda. Mana, «Yuventus» ushbu masalani ijobiy hal etishga qaratilgan ishlarga hissa qo‘sha boshladi.
«Manchester Yunayted» rahbariyati ham shu yo‘ldan borib, o‘z liboslarining uchinchi to‘plamini okean chiqindilaridan tayyorladi. Ya’ni har ikki klubning zaxira libosi okeanlardan yig‘ishtirilgan plastik buyumlarni qayta ishlash natijasida yuzaga kelgan materialdan tikildi. Original va foydali g‘oya, eng muhimi, formalar dizayniga ham gap yo‘q.
Yana kreativ yo‘l
«Napoli» klubi noodatiy liboslar to‘plami bilan o‘z muxlislarini birinchi marta hayratga solayotgani yo‘q. Jamoaning safar o‘yinlariga mo‘ljallangan yashil tusli futbolkalari esingizdami?
Neapolliklarni endi maydonda harbiylarga xos rangli libosda ko‘rmaymiz. Ular bu safar ulkan panterani eslatuvchi formalarni taqdim etishdi. E’tiborlisi, yangi dizayn haqida alohida rolik ham ishlandi.
Bosh homiy ta’sirimi?
«Roma» nihoyat, yangi mavsumni titul homiy bilan boshlaydi. E’tiborlisi, rimliklar bir necha yildan buyon bosh homiy ko‘magiga ehtiyoj sezishmayotgandi. Aniqrog‘i, klub sohibi Jeyms Pallottaning moliyaviy ishtahasini qondira oladigan munosib kompaniya topilmayotgandi.
Bu boradagi ishlar boshi berk ko‘chaga kirib qolgan bir paytda, ya’ni bahorda Qatardan o‘ta manfaatli taklif tushdi. Endi bosh homiy ta’siridami, «Roma» futbolkalarining ikkinchi to‘plami antiqa ko‘rinishga keldi - kulrang tus...
Odatiy shablonlardan qochish
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
