Xabaringiz bor, ertaga PRO-Liganing 3-tur o‘yinlari boshlanadi. «Andijon» jamoasi o‘z maydonida Muborakning «Mash’al» jamoasini qabul qiladi. Bugun har ikki jamoa rasmiylari va komissar ishtirokida uchrashuv oldi yig‘ilish bo‘lib o‘tdi.
O‘yin komissari Roman Chernikov o‘yingacha qilinishi kerak bo‘lgan va uchrashuv chog‘idagi xolatlar bo‘yicha tushuntirish berib o‘tdi.
Shuningdek mazkur yig‘ilishda jamoalarning ertangi o‘yinda qaysi rangli libosida maydonga tushishiga ham oydinlik kiritib olindi.
Eslatib o‘tamiz, ertaga «Andijon» - «Mash’al» uchrashuvi «Sog‘lom avlod» stadionida soat 19:00da boshlanadi.
«Andijon» matbuot xizmati.
