O‘zbekiston Respublikasi Prezidentining PQ-3610-sonli “Futbolni yanada rivojlantirish chora-tadbirlari to‘g‘risida”gi qaroriga asosan tashkil qilingan hududiy bolalar va o‘smirlar futbol akademiyalariga qabulning ikkinchi bosqichi boshlanganidan futbol ixlosmandlarining xabarlari bor.   Hozirda Samarqand, Surxondaryo, Navoiy, Andijon, Toshkent, Jizzax viloyatlari hamda Toshkent shahri hududiy bolalar va o‘smirlar futbol akademiyalariga qabul davom etayotgani xaqida xabar berib o‘tgan edik.     Bugun Sirdaryo viloyatida ham qabul jarayonlari boshlangan bo‘lsa, ertadan Namangan, Farg‘ona va Xorazm viloyatlarida ham imtixon topshirishni istovchilar uchun akademiyalar o‘z eshiklarini ochishadi. Eslatib o‘tamiz, 2-bosqich sinovlari 4ta yo‘nalish bo‘yicha o‘tkazilayotgani haqida avval xabar berib o‘tgandik.  Kirish imtihonlari shaffoflik bilan tashkil qilinib, O‘zbekiston futbol assosiasiyasi vakillari nazorati ostida o‘tkazilmoqda. Shuningdek, imtihon jarayoni videotasvirga olinib, O‘FAga taqdim qilinadi. Bundan tashqari imtihon jarayonlari OAVlar orqali ham yoritib boriladi.