Superliganing 21-turida “So‘g‘diyona” o‘z maydonida AGMK jamoasini qabul qildi va 1:3 hisobida mag‘lubiyatga uchradi. O‘yindan so‘ng AGMK bosh murabbiyi Baxtiyor Ashurmatov matbuot anjumanida qatnashib, shogirdlariga g‘alaba uchun minnatdorchilik bildirdi.
- Avvalambor, bizni qo‘llab-quvvatlash uchun kelgan muxlislarimizga katta rahmat. O‘yin qiyin o‘tishini bilardik. “Sug‘diyona” ikkinchi davrada legionerlar bilan tarkibni kuchaytirdi. Jizzaxda har bir jamoa qiyin o‘yin o‘tkazadi.
O‘yinni qiyin boshladik,raqiblar to‘p nazoratini o‘z qo‘liga oldi va dastlabki 20 daqiqa ularning ustunligida o‘tdi. Birinchi gol barchasini o‘zgartirib yubordi. Ustunlik biz tomonda o‘tdi,o‘ylagan rejalarimiz amalga oshib,g‘alabani qo‘lga kiritdik.
Yigitlarga g‘alaba uchun minnatdorchilik bildiraman. AGMK jamoasi bu o‘yin bilan to‘xtab qolmaydi va biz oxirgacha kurashamiz”, -deydi Ashurmatov.
