Xabaringiz bor, ertaga Indoneziyada XVIII Osiyo o‘yinlari start oladi. Musobaqa oldidan biz O‘zbekiston delegasiyasining avvalgi Osiyo o‘yinlarida qayd etgan natijalarini taqdim etib kelmoqdamiz. Bugun 2002 yilgi Osiyo o‘yinlari haqidagi ma’lumotlarni e’tiboringizga havola etamiz.
Janubiy Koreyaning Pusan shahrida bo‘lib o‘tgan musobaqada O‘zbekiston 24ta sport turida ishtirok etgan. Vatanimiz sharafini 175 nafar atlet himoya qilgan. Musobaqa yakuniga ko‘ra terma jamoamiz a’zolari 15ta oltin, 12ta kumush va 24ta bronza medallarini qo‘lga kiritganlar. Umumiy hisobda 51ta medalga ega chiqilgan. 14ta sport turida hamyurtlarimiz sovrindorlar qatoridan joy olishgan.
Qayd etib o‘tish lozimki, XIV Osiyo o‘yinlari O‘zbekiston uchun bugungi kungacha medallar sifati bo‘yicha eng muvaffaqiyatlisi bo‘lib turibdi. 2002 yilgi Osiyo o‘yinlarida terma jamoamiz umumjamoa hisobida beshinchi o‘rinni egallagan.
Umid qilamizki, yaqinlashib kelayotgan musobaqada sportchilarimiz ushbu muvaffaqiyatni nafaqat takrorlaydilar, balki bundanda yaxshiroq natija qayd etadilar.
Eslatib o‘tamiz, XVIII Osiyo o‘yinlarining tantanali ochilish marosimi ertaga, 18 avgust kuni mahalliy vaqt bilan 18:08da (Toshkent vaqti bilan 16:08) boshlanadi.
| № | Sport turlari | 2002 yil (Pusan) | ||||
| Sportchilar soni | medallar | |||||
| oltin | kumush | bronza | JAMI | |||
| 1 | Boks | 10 | 5 | 1 | 3 | 9 |
| 2 | Erkin kurash | 6 | 2 | 1 | 3 | |
| 3 | Yunon-rum kurashi | 7 | 1 | 1 | 2 | |
| 4 | Og‘ir atletika | 8 | 1 | 1 | 2 | |
| 5 | Dzyudo | 9 | 1 | 3 | 4 | |
| 6 | Baydarka va kanoe | 13 | 2 | 1 | 5 | 8 |
| 7 | Akademik eshkak eshish | 13 | 2 | 2 | 4 | |
| 8 | Taekvondo WTF | 4 | 1 | 1 | ||
| 9 | Suzish | 7 | 1 | 1 | ||
| 10 | Tennis | 5 | 1 | 3 | 4 | |
| 11 | Karate | 4 | 2 | 1 | 3 | |
| 12 | Velosport | 5 | 1 | 1 | 2 | |
| 13 | Spor gimnastikasi | 6 | 2 | 2 | 4 | |
| 14 | Yengil atletika | 15 | 1 | 3 | 4 | |
