Хабарингиз бор, эртага Индонезияда XVIII Осиё ўйинлари старт олади. Мусобақа олдидан биз Ўзбекистон делегациясининг аввалги Осиё ўйинларида қайд этган натижаларини тақдим этиб келмоқдамиз. Бугун 2002 йилги Осиё ўйинлари ҳақидаги маълумотларни эътиборингизга ҳавола этамиз.
Жанубий Кореянинг Пусан шаҳрида бўлиб ўтган мусобақада Ўзбекистон 24та спорт турида иштирок этган. Ватанимиз шарафини 175 нафар атлет ҳимоя қилган. Мусобақа якунига кўра терма жамоамиз аъзолари 15та олтин, 12та кумуш ва 24та бронза медалларини қўлга киритганлар. Умумий ҳисобда 51та медалга эга чиқилган. 14та спорт турида ҳамюртларимиз совриндорлар қаторидан жой олишган.
Қайд этиб ўтиш лозимки, XIV Осиё ўйинлари Ўзбекистон учун бугунги кунгача медаллар сифати бўйича энг муваффақиятлиси бўлиб турибди. 2002 йилги Осиё ўйинларида терма жамоамиз умумжамоа ҳисобида бешинчи ўринни эгаллаган.
Умид қиламизки, яқинлашиб келаётган мусобақада спортчиларимиз ушбу муваффақиятни нафақат такрорлайдилар, балки бунданда яхшироқ натижа қайд этадилар.
Эслатиб ўтамиз, XVIII Осиё ўйинларининг тантанали очилиш маросими эртага, 18 август куни маҳаллий вақт билан 18:08да (Тошкент вақти билан 16:08) бошланади.
| № | Спорт турлари | 2002 йил (Пусан) | ||||
| Спортчилар сони | медаллар | |||||
| олтин | кумуш | бронза | ЖАМИ | |||
| 1 | Бокс | 10 | 5 | 1 | 3 | 9 |
| 2 | Эркин кураш | 6 | 2 | 1 | 3 | |
| 3 | Юнон-рум кураши | 7 | 1 | 1 | 2 | |
| 4 | Оғир атлетика | 8 | 1 | 1 | 2 | |
| 5 | Дзюдо | 9 | 1 | 3 | 4 | |
| 6 | Байдарка ва каноэ | 13 | 2 | 1 | 5 | 8 |
| 7 | Академик эшкак эшиш | 13 | 2 | 2 | 4 | |
| 8 | Таэквондо WTF | 4 | 1 | 1 | ||
| 9 | Сузиш | 7 | 1 | 1 | ||
| 10 | Теннис | 5 | 1 | 3 | 4 | |
| 11 | Каратэ | 4 | 2 | 1 | 3 | |
| 12 | Велоспорт | 5 | 1 | 1 | 2 | |
| 13 | Спор гимнастикаси | 6 | 2 | 2 | 4 | |
| 14 | Енгил атлетика | 15 | 1 | 3 | 4 | |
