O‘zbekiston Superligasi 22-tur “Neftchi” – “Qo‘qon-1912” uchrashuvi nihoyasiga yetdi. “Istiqlol” o‘yingohida kechgan uchrashuvda mezbonlar g‘alaba qozondi.
Uchrashuv kutilganidek shiddatli tarzda boshlandi. O‘yin startidan har ikki jamoa hujumga zo‘r berishdi. Biroq muxlislar birinchi bo‘limda gol ko‘rishmadi.
Ikkinchi bo‘limni mexmonlar ancha faol tarzda boshlashdi va raqib darvozasi oldida bir qator hujumlarni tashkil etishdi.
Uchrashvning 55-daqiqasida mexmonlar maydonda bir kishi kam bo‘lib qoldi. “Qo‘qon-1912” futbolchisi Murod Xolmuhammedov ikkinchi marta hakam tomonidan ogohlantirildi va maydonni tark etdi.
O‘yinning 70-daqiqasida maydon egalari baribir o‘z niyatlariga erishishdi. Doston Toshmatov “Qo‘qon-1912” darvozabonidan qaytgan to‘pni golga aylantirdi. Gol o‘tkazib yuborgach, “Qo‘qon-1912” katta kuch bilan oldinga tashlandi. Mezbonlar esa qarshi hujumlardan samarali foydalanishga harakat qilishdi.
Uchrashuvning 83-daqiqasida “Qo‘qon-1912” futbolchilari penalti tepish huquqiga ega bo‘lishdi. Jarima to‘pidan keyin mezbonlar futbolchisi jarima maydonchasi ichida qo‘pol o‘ynadi. Natijada “Neftchi” darvozasi tomon penalti belgilandi. O‘n bir mertli nuqtadan esa Marko Milich gol ura olmadi. Muzaffar Abdullayev to‘pni qaytarib qoldi.
Shu tariqa “Qo‘qon-1912” jamoasi kuchli oltilikdan joy ola bilmadi.
Superliga, 22-tur
“Neftchi” – “Qo‘qon-1912” – 1:0
Gol: Doston Toshmatov – 70.
“Neftchi”: 12. Muzaffar Abdullayev, 3. Shukur Po‘latov (7. Murod Bobojonov – 62) 14. Abror Ismoilov, 19. Avaz O‘lmasaliyev, 20. Husniddin G‘ofurov, 40. Bobur Yuldashev, 44. Doston Toshmatov, 64. Mirjamol Ne’matov, 65. Shodiyor Xojimatov (5. Jalil Kimsanov -76), 90. Islom Karimov (23. Abdurahmon Abdulhaqov -58), 91. Sherzod Hakimov.
“Qo‘qon-1912”: 1. O‘tkir Yusupov, 5. G‘iyos Komilov, 9. Nosir Otaqo‘ziyev (15. Oybek Rustamov - 58), 11. Firdavs Asadov (19. Suhrob Berdiyev-33), 17. Quvondiq Ro‘ziyev, 22. Murod Xolmuhammedov, 23. Aleksandr Merzlyakov, 55. Darko Gojkovich, 65. Marko Milich, 70. Jasur Hakimov, 79. Iqbol Malikjonov (96. Muhammadanas Hasanov-60).
Chetlatish: Murod Xolmuhammedov (55).
