“Paxtakor” – “Nasaf” uchrashuvidan so‘ng o‘yin yakunlariga bag‘ishlangan matbuot anjumani o‘tkazildi. Matbuot anjumanining dastlabki qismida jamoamiz ustozi Ro‘ziqul Berdiyev ishtirok etdi.
- “Paxtakor” jamoasi bugun katta ustunlik bilan g‘alaba qozondi, o‘ylashimcha raqibimiz bugun mavsumdagi eng yaxshi o‘yinini o‘tkazdi. Guvohi bo‘ldilaringiz, bugun jamoamizga nisbatan “Paxtakor” tarkibida katta tajribaga ega futbolchilar harakat qilishdi. Bu o‘z samarasini ko‘rsatdi. Biz ikkinchi bo‘limda yaxshi himoyalanishimiz kerak edi, shundan kelib chiqib besh nafar himoyachi bilan harakat qildik. Ammo bunday himoya bilan standart vaziyatlarda ham e’tiborli bo‘lishimiz kerak edi. Afsuski, biz bugun aynan standart vaziyatlardan gol o‘tkazib yubordik. “Paxtakor” ham bu imkoniyatlardan unumli foydalana oldi. Albatta, bu ularga katta ustunlik berdi.
