Belarus poytaxti Minsk shahrida dzyudo bo‘yicha Yevropa Ochiq kubogi bo‘lib o‘tmoqda.Unda 40ta davlatdan 430 nafar dzyudochi sovrinli o‘rinlar uchun kurash olib bormoqda. Ular orasida murabbiyimiz Behzod To‘raboyev boshchiligidagi O‘zbekiston terma jamoasi a’zolari ham bor.
Quvonarlisi, musobaqaning dastlabki kunida ikki nafar sportchimiz oltin medal qo‘lga kiritdi. -60kg vazn toifasida bahslarda ishtirok etgan Sharofiddin Lutfullayev barcha raqiblarini mag‘lubiyatga uchratib, shoxsupaning eng yuqori pog‘onasiga ko‘tarildi.
-73 kg vazn toifasidagi Hikmatillo To‘rayev ham musobaqa davomida muvaffaqiyatli ishtirok etdi va yakunda oltin medal sohibiga aylandi. Ushbu g‘oliblik orqali har ikki dzyudochimiz 100 reyting ochkosini qo‘lga kiritishdi.
