“Lion“ ”Manchester Siti” himoyachisi Jeyson Denayerni yaqinda o‘z safiga qo‘shib oladi.
Bu haqda jurnalist Kristof Terro xabar tarqatdi. Jamoalar belgiyalik futbolchini transferi borasida kelib olishgan. Denayer “Lion” bilan 2022 yilgacha shartnoma imzolaydi.
Denayer olti yildan beri “Manchester Siti” futbolchisi hisoblanadi. Biroq, biror marta rasmiy uchrashuvda maydonga tushmadi.
Belgiyalik futbolchi ijara asosida “Seltik”, “Sanderlend” va “Galatasaroy” jamoalarida o‘ynadi.