“Manchester Siti” himoyaschisi Jeyson Denayer rasman “Lion” futbolchisiga aylandi.

Bu haqda Fransiya klubining rasmiy sayti e’lon qildi.

Belgiyalik futbolchi yangi jamoasi bilan 4 yillik shartnoma imzoladi.

“Lion” Denayer uchun 10 mln yevro, shuningdek mukofot puli sifatida 3,5 mln yevro to‘ladi.

Denayer olti yildan beri “Manchester Siti” futbolchisi hisoblanadi. Biroq, biror marta rasmiy uchrashuvda maydonga tushmadi.

Belgiyalik futbolchi ijara asosida “Seltik”, “Sanderlend” va “Galatasaroy” jamoalarida o‘ynadi.