Indoneziyada bo‘lib o‘tayotgan Osiyo o‘yinlari musobaqasining 4-kuni O‘zbekiston sport delegasiyasi uchun omadli o‘tyapti. 

Dastlab kuning birinchi medali oltin bo‘ldi, ikkinchisi esa kumush! Hozircha sport musobaqalari davom etmoqda. Delegasiya hisobiga yana medallar qo‘shilishi ehtimoli bor. 

Biroz avval og‘ir atletikachi Doston Yoqubov kumush medal sohibiga aylandi. Doston avval dast ko‘tarishda 145, siltab ko‘tarishda esa 186 kg toshni o‘ziga bo‘ysundirdi. 

Umumiy hisobda esa 331 kg natija qayd etdi va ikkinchi bo‘ldi. 1-o‘rinni Janubiy Koreya vakili band etdi.