Ispaniya chempionatining ikkinchi turidan o‘rin olgan “Espanyol” – “Valensiya” uchrashuvida mezbonlar “ko‘rshapalaklar”ni qanotini qayrib qo‘ydi.
Aytaylik birinchi bo‘limda jamoalar teng kurash olib borishdi. Lekin, ikkinchi bo‘limda “Valensiya” ko‘plab xavfli vaziyatlarni tashkil qildi.
Biroq, “yugurganiki emas, buyurgani” deganlaridek “Espanyol” hisobni ochishga muvaffaq bo‘ldi.
Graneroning golidan keyin, Iglesias 68 daqiqada ikkinchi golni urib “Valensiya”ni qiyin ahvolga solib qo‘ydi. Shunday tarzda, Kataloniya klubi o‘z hisobiga 3 ochkoni yozib qo‘ydi.
Espanyol – Valensiya 2:0
26 avgust, 21.15, «Kornelya El Prat»
Gollar: Granero (62), Iglesias (68).
Espanyol: Lopes, David Lopes, Vila, Lopes, Ermoso, Granero (Sanches, 80), Mark Roka, Darder, Garsiya (Peres, 71), Baptistao (Pyatti, 76), Iglesias.
Valensiya: Neto, Gabriel, Gayya, Pichchini, Diakabi, Vass (CHerishev, 64), Kondogbia, Parexo, Soler, Rodrigo (Batshuayi, 74), Santi Mina (Gameyro, 67).
Ogohlantirishlar: Diakabi (30), Ermoso (48).
