Bu yilgi yoz fasli futbol jamoatchiligi uchun o‘ta sermahsul, lekin shu bilan birga mashaqqatli keldi. Ishtirokchilardan katta kuch va mahoratni talab etgan jahon chempionati yakunlanganiga 1 oy bo‘lmay turib, top-chempionatlarda bellashuvlar start oldi.
Bu masalada, ayniqsa, APL vakillariga qiyin bo‘ldi - «ko‘hna qit’a»ning nufuzli chempionati mundialga 110 nafar futbolchilarini yubordi. «Bornmut» va «Fulxem» klubidan tashqari barcha jamoalar vakillari o‘z termalari sharafini himoya qilishdi.
Tabiiyki, JCH tufayli yuzaga kelgan noqulayliklar barcha murabbiylarni ranjitdi. Ayniqsa, Joze Mourinyoning fig‘oni falakka chiqdi. Ha, buning ajablanadigan yeri yo‘q - axir u «Benazir»da! Lekin shunisi ham haqiqatki, terma jamoalar a’zolarining ko‘pchiligi mavsumoldi tayyorgarligida to‘laqonli qatnasha olmadilar.
Oqibatda Jozening «MYU»si o‘rtoqlik uchrashuvida kamtarin «San-Xose»ni yengolmadi: «Buni jamoa deyishga til bormaydi. Kimdir asosiy tarkib a’zosi, boshqasi - yoshlar jamoasi, ijaradan qaytganlar yoki o‘smirlar safidan.
Asosiy tarkibning 10 nafar a’zosi yo‘q bo‘lsa, hech narsaga erishib bo‘lmaydi». Portugaliyalik mutaxassisning haqli e’tirozi JCH jabrdiydalari haqidagi hikoyaga turtki bo‘ldi.
«MANCHESTER SITI» - JCHDA 16 NAFAR FUTBOLCHISI QATNASHDI
Angliya chempioni mundialga delegat yuborish bo‘yicha yagona yetakchi bo‘ldi. E’tiborlisi, futbolchilarning aksariyati yangi mavsumga talab darajasida shay bo‘lish uchun ko‘ngilli ravishda ta’til muddatini qisqartirishdi.
Vaholanki, professional futbolchilar assosiasiyasining talabiga ko‘ra, standart shartnomaning 14-bandida har bir futbolchi yil davomida 5 hafta dam olish huquqiga ega ekanligi yozib qo‘yilgan. Ta’tilning 3 haftasi paydar-pay shaklda bo‘lishi mumkinligi ta’kidlangan. Lekin «Siti» vakillari ixtiyoriy ravishda ishga barvaqt qaytishdi.
Mazkur fidoyilik Rio Ferdinandni hayratga soldi: «Ilk rasmiy uchrashuv arafasida Vensan Kompanidan necha kun ta’tilda bo‘lganini so‘radim. U «2 hafta» deya javob berdi.
«Voy-bo‘, dam olish uchun bu juda kam-ku!» - «Yo‘q, men o‘zim shunday qildim - jamoaga tezroq qaytgim keldi. Yigitlar bilan birga bo‘lish maroqli».
«REAL» - 14 NAFAR FUTBOLCHI
Ispaniya terma jamoasining musobaqadan barvaqt chiqib ketishi La Liga murabbiylari uchun ayni muddao bo‘ldi.
Shaxsan «Real»ga esa dastlabki rasmiy uchrashuv borasida ham omad kulib boqdi: UYEFA Superkubogi uchun bahs 15 avgust sanasida o‘tkazildi. Demak, jamoaga 8 avgustda qaytgan Luka Modrich ham jangga shay bo‘lishga ulgurdi. Mateo Kovachich esa «Chelsi» safiga borib qo‘shildi.
«CHELSI» - 13 NAFAR FUTBOLCHI
2018 yilning yozgi taqvimidan xafa bo‘lishga hammadan ko‘ra Maurisio Sarri haqliroq. «Ko‘klar» yetakchilarining yig‘inlardan chetda qolishgani italiyalik mutaxassisni xunob qildi: «Kurtua, Azar hamda Villianlarning tarkibda ekanligidan mamnunman. Ammo ularning keyingi taqdiri menga bog‘liq emas. Biz kutishga majburmiz. Umid qilamanki, ular qoladilar».
Biroq Angliya Superkubogi bellashuviga atigi 7 nafar termachining kelganligi Sarrining sabrini ado qildi: «Meni Kurtuaning agenti emas, o‘zi qiziqtiradi». To‘g‘ri, Tibo bilan uchrashishga murabbiy ulgurmadi. Lekin tarkibdagi boshqa o‘yinchilar Kobxemga qaytishdi.
«BARSELONA» - 12 NAFAR FUTBOLCHI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
