O‘zbekiston sport delegasiyasi hisobidagi oltinmedallar soni yana bittaga ko‘paydi. 

Kurashchi Dildor Shermetova musobaqa finaliga yetib kelib, mo‘g‘ulistonlik raqibasi Basanyargal Bayarbatni mag‘lub etdi va oltin medal sohibasiga aylandi. Bu O‘zbekistonning Osiyo o‘yinlaridagi 11-oltin medali hisoblanadi. 

Yana bir kurashchi Muxlisa Abdumalikova mo‘g‘ulistonlik Basanyargal Bayarbatga yutqazib qo‘ygandi. Ammo Dildor Shermetova finalda jamoadoshi uchun revansh olishni uddaladi. Muxlisa Abdumalikova bo‘lsa, bronza medali sohibasiga aylandi. 

Shuningdek, Sarvar Shomurodov yarim finalda eronlik Elyas Ali Akbariga qarshi jang qildi va imkoniyatni boy berdi. Lekin shunday bo‘lishiga qaramay, hisobimizga yana bir bronza medali “+” bo‘ldi. 

Dzyudo bo‘yicha o‘zbekistonlik sportchilarning omadlari chopmadi. Gulnoza Ziyayeva bronza medali uchun kechgan bahsda shimoliy koreyalik Song Sim Rimga yutqazib qo‘ydi. 

Shahram Ahadov ham bronza medali uchun o‘tkazilgan jangda qirg‘izistonlik Artur Tegaga imkoniyatni boy berdi.