Indoneziyada davom etayotgan Osiyo o‘yinlarida ilk bora o‘zbek kurashi musobaqa dasturiga kiritilganidan xabaringiz bor.
Biroz avval musobaqa yarim finalida Xitoy Taypeyi vakilasini mag‘lubiyatga uchratgan Kumush Yuldosheva oltin medal uchun mo‘g‘ulistonlik Muniktsetseg Otgonga qarshi gilamga chiqishi haqida xabar bergan edik.
Endilikda yana ikki kurashchilarimiz finalda o‘zaro bellashadigan bo‘ldilar.
Dastlab Yahyo Imomov qozog‘istonlik raqibidan ustun keldi va finalga chiqdi. Shundan so‘ng Shermuhammad Jandreev yarim finalda quvaytlik Husayn Misriga qarshi gilamga chiqdi va raqbini mag‘lub etib, u ham finalga yo‘llanma oldi. Demak, finalda ikki o‘zbek kurashchilari o‘rtasida oltin medal uchun bahs kechadi.
Bu esa tabiiyki O‘zbekiston sport delegasiyasi hisobiga bir oltin va bir kumush medal qo‘shilishini ta’minlaydi.
Suratlar muallifi Ma’rufjon Asqarov
