Osiyo o‘yinlari musobaqasining kurash sport turi bo‘yicha O‘zbekiston sport delegasiyasi hisobiga yana ikki medal qo‘shildi. Ularning biri oltin biri esa kumush medal! 

Ikki o‘zbek kurashchisi finalda bellashgan bahsda Shermuhammad Jandreev Yahyo Imomov ustidan kichik hisobda ustunlik qilib, g‘alaba qozondi va oltin medalga ega chiqdi. Yahyo Imomov esa kumush medalni qo‘lga kiritdi.

Eslatib o‘tamiz, avvalroq Kumush Yuldosheva Osiyo o‘yinlari g‘olibasiga aylandi.

Ma’lumot o‘rnida, Shermuhammad Jandreev Osiyo o‘yinlarida O‘zbekiston hisobiga 15-oltin medalni taqdim etdi. Bu kurashchilarning Osiyo o‘yinlaridagi 12-medali hisoblanadi. 

Shu tariqa, kurashchilarning ijobiy faolliklaridan so‘ng O‘zbekiston sport delegasiyasining umumjamoa hisobidagi medallari soni 52 taga yetdi. Oltinlar 15 ta, kumush 19 ta va bronza 18 ta. O‘zbekiston sport terma jamoasi onlayn tabloda 6-o‘rinni egallab turibdi.