Kecha, 29 avgust kuni Indoneziyada davom etayotgan Osiyo o‘yinlari musobaqasining o‘n birinchi kunida yengil atletikachi qizlar Svetlana Radzivil oltin, Nadiya Dusanova esa kumush medal sohibasiga aylangan edilar.
 
Bugun, 30 avgust kuni Toshkent vaqti bilan 16:00 da ularni taqdirlash marosimi bo‘lib o‘tdi. Ushbu marosimda Milliy olimpiya qo‘mitasi prezidenti Umid Ahmadjonov ishtirok etib, o‘zbekistonlik sportchilarga medallarni topshirdi.

Eslatib o‘tamiz, yengil atletika bo‘yicha balandlikka sakrash bahslarida Svetlana Radzivil 1,96m natija bilan Osiyo o‘yinlari rekordini yangiladi va oltin medalga ega chiqdi. Unga raqiblik qilgan Nadiya Dusanova esa 1,94m balandlikni zabt etib, kumush medalga sazovor bo‘ldi.
 
Shuningdek, Svetlana Radzivil 1,96m balandlikni zabd etib, Osiyo o‘yinlari rekordini yangiladi. Bundan avvalgi rekord Svetaning o‘ziga (2010 yil, 1,95m) tegishli edi.
 
Ma’lumot o‘rnida, O‘zbekiston sport delegasiyasining umumjamoa hisobidagi medallari soni bugun 52 taga yetdi. Ularning 15 tasi oltin, kumush 19 ta va bronza 19 ta. O‘zbekiston sport terma jamoasi onlayn tabloda 6-o‘rinni egallab turibdi.

Suratlar muallifi Hasan Pirmuhammedov