"Yuventus" bosh murabbiyi Massimiliano Allegri A seriyaning 3-turida "Parma" ustidan qozonilgan g‘alabadan so‘ng (2:1) fikrlarini bildirdi.

"Yigitlar uddaladilar. Parmada o‘ynash qiyin - biz bu yerda oxirgi 5 o‘yindan bittasida g‘alaba qozona oldik.

"Parma" yashash uchun kurashmoqda, o‘yinni yaxshi tashkillashtiradi va xavfli qarshi hujum qiladi.

Bu munosib g‘alaba, ammo bizning qiladigan ishlarimiz ko‘p.

Ronaldu gol urmayapti. Hujumchi A seriyada ma’lum qiyinchiliklarga duch keladi. Umuman olganda u yaxshi o‘yin o‘tkazdi.

Krishtianu baarayotgan ishlardan qoniqdim. Terma jamoalar o‘yinlari tanaffusi bizga yanada kuchliroq o‘ynashda yordam beradi.

Manjukich har doim zo‘r futbolchi bo‘lgan, ammo jahon chempionatidan so‘ng uning bunday yaxshi formada bo‘ladi deb o‘ylamagandim.

Dibala formaga kirib bormoqda. Zaxiradan tushib, u o‘zini ko‘rsata oldi", - deydi Allegri.