"Ювентус" бош мураббийи Массимилиано Аллегри А сериянинг 3-турида "Парма" устидан қозонилган ғалабадан сўнг (2:1) фикрларини билдирди.

"Йигитлар уддаладилар. Пармада ўйнаш қийин - биз бу ерда охирги 5 ўйиндан биттасида ғалаба қозона олдик.

"Парма" яшаш учун курашмоқда, ўйинни яхши ташкиллаштиради ва хавфли қарши ҳужум қилади.

Бу муносиб ғалаба, аммо бизнинг қиладиган ишларимиз кўп.

Роналду гол урмаяпти. Ҳужумчи А серияда маълум қийинчиликларга дуч келади. Умуман олганда у яхши ўйин ўтказди.

Криштиану баараётган ишлардан қониқдим. Терма жамоалар ўйинлари танаффуси бизга янада кучлироқ ўйнашда ёрдам беради.

Манжукич ҳар доим зўр футболчи бўлган, аммо жаҳон чемпионатидан сўнг унинг бундай яхши формада бўлади деб ўйламагандим.

Дибала формага кириб бормоқда. Захирадан тушиб, у ўзини кўрсата олди", - дейди Аллегри.