"PSJ" hujumchisi Kilian Mbappe Fransiya chempionatida "Nim" bilan uchrashuv (4:2) haqida gapirdi.
Hujumchi maydon egalari himoyachisi Teji Savanyeni turtgani uchun qizil kartochka oldi.
"Raqib himoyachilarining harakatlaridan asabim buzilib bordi. Bu futbol. "PSJ"dek klubda o‘ynarkansan, bunday voqealarga e’tibor bermasliging kerak.
Bunday voqealar har doim bo‘ladi. Bu meni har doim izdan chiqaraversa, qizil kartochkalarim ko‘payib ketadi. Shuning uchun bundan baland turishim kerak.
O‘zimni shunday tutganimdan afsuslanmayman. Bu voqea yana takrorlansa, yana shunday qilgan bo‘lardim. Muxlislardan, hammadan uzr so‘rayman. Ammo raqiblarning bunday harakatiga chidab turolmayman.
Himoyachi hatto to‘pga ham o‘ynamadi. Men bu ishni ko‘rib chiqadigan komissiya oldida turishga tayyorman va o‘zimni himoya qilaman.Futbolda bunday tashlanishlar bo‘lmasligi kerak", - deydi Mbappe.