"ПСЖ" ҳужумчиси Килиан Мбаппе Франция чемпионатида "Ним" билан учрашув (4:2) ҳақида гапирди.

Ҳужумчи майдон эгалари ҳимоячиси Тежи Саваньени туртгани учун қизил карточка олди.

"Рақиб ҳимоячиларининг ҳаракатларидан асабим бузилиб борди. Бу футбол. "ПСЖ"дек клубда ўйнаркансан, бундай воқеаларга эътибор бермаслигинг керак.

Бундай воқеалар ҳар доим бўлади. Бу мени ҳар доим издан чиқараверса, қизил карточкаларим кўпайиб кетади. Шунинг учун бундан баланд туришим керак.

Ўзимни шундай тутганимдан афсусланмайман. Бу воқеа яна такрорланса, яна шундай қилган бўлардим. Мухлислардан, ҳаммадан узр сўрайман. Аммо рақибларнинг бундай ҳаракатига чидаб туролмайман.

Ҳимоячи ҳатто тўпга ҳам ўйнамади. Мен бу ишни кўриб чиқадиган комиссия олдида туришга тайёрман ва ўзимни ҳимоя қиламан.Футболда бундай ташланишлар бўлмаслиги керак", - дейди Мбаппе.