"Atletiko" bosh murabbiyi Diyego Simeone Ispaniya chempionatining 3-turida "Selta"dan uchralgan mag‘lubiyatni (0:2) o‘z bo‘yniga oldi.

"O‘yin yaxshi qo‘ng‘iroq bo‘ldi, avvalo men uchun. "Rayo Valyekano" bilan o‘yin oxirida 10 daqiqa sust o‘yin ko‘rsatgan edik. Bu safar ikkinchi bo‘lim boshida shunday bo‘ldi. Javobgarlikni to‘liq bo‘ynimga olaman, chunki tanaffusda kerakli ko‘rsatmalar bermadim.

Biz sust o‘ynadik, "Selta" esa har doim ikkinchi bo‘lim startida kuchayadi. Birinchi bo‘limda yaxshiroq o‘ynashimiz mumkin edi, ammo bunday qilmadik. Raqib besh daqiqa ichida intrigani ko‘mib tashladi va munosib g‘alabaga erishdi", - deydi Simeone.

"Atletiko" 4 ochko bilan La liga jadvalida 10-o‘rinni egallab turibdi.