O‘zbekistondagi stadionlarning birida qiziq voqea ro‘y berdi. Aniqrog‘i, ayollar chempionatining 19-turidan o‘rin olgan “Sho‘rtan Lady” – “Qizilqum Guli” o‘yinida “Sho‘rtan” a’zosi Uldona To‘xtayeva o‘yindan oldin stadionda kelin salomini bergan.
Jurnalist Diyor Imomxo‘jayevning yozishiga ko‘ra, ayol futbolchi turmushga chiqqaniga bir hafta bo‘lgan va shu tufayli, o‘zbek urf-odatiga ko‘ra, stadionda kelin salomini bergan.
Eng qiziqarlisi, yangi kelin Uldona To‘xtayeva o‘yin davomida golli uzatma ham amalga oshirgan.
"Bu ish "qiz bola ham futbolchi bo‘larkanmi", deb savol beradiganlar uchun yaxshi javob bo‘ldi. Oilasi bilan baxtli bo‘lsin!", deya yozadi Diyor Imomxo‘jayev.
