Italiya klublari tarixda birinchi marta bitta transferlar bozorida xaridlar uchun milliard yevrodan ko‘proq sarfladi. Soccer.ru sayti shu munosabat bilan barcha kelishuvlarga nazar solib, eng muhim va qiziqarli faktlarga alohida e’tibor qaratdi.

ENG MUHIM XARIDLAR (top-11)

1. Krishtianu Ronaldu (117 mln. yevro, «Real»dan «Yuventus»ga)

2. Joau Kanselu (40,4 mln. yevro, «Valensiya»dan «Yuventus»ga)

3. Duglas Kosta (40 mln. yevro, «Bavariya»dan «Yuventus»ga)

4. Raja Nainggolan (38 mln. yevro, «Roma»dan «Inter»­ga)

5. Leonardo Bonuchchi (35 mln. yevro, «Milan»dan «Yuventus»ga)

«Yuventus»ning 4ta xaridi birinchi beshtalikka kirdi. Turinliklar Krishtianu Ronaldudan tashqari, braziliyalik Duglas Kosta, portugaliyalik Joau Kanselu va «adashgan o‘g‘il» Leonarno Bonuchchini o‘z tomonlariga og‘dirishdi.

Xullas, «qora-oqlar» guruhida birgina Raja Nainggolan «begona». Belgiyalik yarim himoyachi Luchano Spalletti qistovi bilan «Roma» libosini «Inter»nikiga almashtirdi.

Barcha transferlar juda qiziqarli, shuningdek, mojaroli holatda rasmiylashtirilganlari ham bor. Har holda, Nainggolan va Bonuchchi eski klublari bilan yaxshilikcha xayrlashishmadi. Ronaldu transferini esa «syurpriz» sifatida baholash mumkin. Chunonchi, may oyida ham portugaliyalik yulduzning «Real»dan aynan «Yuventus»ga yo‘l olishini hech kim kutgan emasdi.

6. Mattia Kaldara (35 mln. yevro, «Yuventus»dan «Milan»ga)

7. Fabian Ruis (30 mln. yevro, «Betis»dan «Napoli»ga)

8. Stiven N~Zonzi (26,6 mln. yevro, «Sevilya»dan «Roma»ga)

9. Simone Verdi (25 mln. yevro, «Bolonya»dan «Napoli»ga)

   Samu Kastilyexo (25 mln. yevro, «Vilyarreal»dan «Milan»ga)

11. Xavyer Pastore (24,7 mln. yevro, «PSJ»dan «Roma»ga)

E’tibor qarating, top-11ga tushgan futbolchilardan 6 nafari Ispaniya klublaridan o‘tdi. Yana 4ta kelishuv ichki transferlar hosilasi, bulardan faqat «Bolonya» yetakchisi Simone Verdining «Napoli»ga yo‘l olgani «Yuventus»ga bog‘liq emas, xolos.

Ro‘yxat tashqarisida qolgan Gonsalo Iguainga alohida e’tibor qaratish kerak. «Yuve» vakili «Milan»ga ijara shartnomasi asosida o‘tdi - bir yillik summa 18 mln. yevro! Qolaversa, argentinalik bitimida ko‘rsatilgan maoshning katta qismini «rossonerlar» o‘z zimmalariga olishdi. Qisqasi, Italiyada yozgi transferlar bozorini aynan Turin superklubi qizdirdi.

ENG JIDDIY YO‘QOTISHLAR (top-10)

DAVOMI

InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.