«Real Madrid» hujumchisi Vinisius Junior shu yozda klubdan ketishi mumkin. Bu haqda TEAMtalk nashri xabar bermoqda.

Manba bergan ma’lumotlarga ko‘ra, braziliyalik futbolchi «Manchester Siti»ga ko‘chib o‘tishi mumkin. Agar hujumchi «qaymoqranglilar» bilan amaldagi shartnomasini uzaytirmaslikka qaror qilsa, «shaharliklar» uni qo‘lga kiritish uchun bor imkoniyatlarini ishga soladilar.

Joriy mavsumda Vinisius «Real» tarkibida 50 ta o‘yinda maydonga tushib, 21 ta gol urdi va 14 ta golli uzatmani amalga oshirdi. Uning madridliklar bilan shartnomasi 2027 yilning yoziga qadar mo‘ljallangan.