«Manchester Siti» markaziy himoyachisi Natan Akega da’vogarlar qatorida «Barselona» ham tilga olinmoqda. Kataloniya klubi niderlandiyalik futbolchiga qiziqish bildirmoqda, garchi uni ustuvor maqsad deb hisoblamasa-da.
Jurnalist Gabriel Sansning ma’lumotlariga ko‘ra, «ko‘k-anorranglilar» 31 yoshli futbolchida mudofaani kuchaytirish uchun «arzon» variantni ko‘rishmoqda. «Barselona»da «shaharliklar» markaziy himoyachisining tajribasi, shuningdek, chap qanotda ham o‘ynay olish qobiliyati yuqori baholanmoqda.
Transfermarkt portalida Natan Akening narxi 15 million yevro etib belgilangan. Futbolchining «Manchester Siti» bilan amaldagi shartnomasi 2027 yilning yozida yakuniga yetadi, shu sababli yaqinlashib kelayotgan transfer oynasida uni arzonlashtirilgan narxda sotib olish mumkin bo‘ladi.
