«Манчестер Сити» марказий ҳимоячиси Натан Акега даъвогарлар қаторида «Барселона» ҳам тилга олинмоқда. Каталония клуби нидерландиялик футболчига қизиқиш билдирмоқда, гарчи уни устувор мақсад деб ҳисобламаса-да.
Журналист Габриэль Санснинг маълумотларига кўра, «кўк-анорранглилар» 31 ёшли футболчида мудофаани кучайтириш учун «арзон» вариантни кўришмоқда. «Барселона»да «шаҳарликлар» марказий ҳимоячисининг тажрибаси, шунингдек, чап қанотда ҳам ўйнай олиш қобилияти юқори баҳоланмоқда.
Transfermarkt порталида Натан Акенинг нархи 15 миллион евро этиб белгиланган. Футболчининг «Манчестер Сити» билан амалдаги шартномаси 2027 йилнинг ёзида якунига етади, шу сабабли яқинлашиб келаётган трансфер ойнасида уни арзонлаштирилган нархда сотиб олиш мумкин бўлади.
