Portugaliya terma jamoasi ustozi Fernandu Santush FIFA sovrinini Ronaldu olishi kerak, deb hisoblamoqda.
“Eng yaxshi futbolchini men aniqlamayman. Ammo agar shunday imkoniyat berilsa, Ronalduni tanlagan bo‘lardim.
Ronaldu men uchun haqiqiy chempion. Ikkinchi o‘ringa Modrichni qo‘yaman. To‘g‘ri, Modrich o‘tgan mavsumda yaxshi o‘ynadi, shuning uchun uni ikkinchi o‘ringa munosib ko‘rdim. Bosh sovrinni esa Chempionlar ligasi g‘olibi bo‘lgani uchun Ronaldu olishi kerak.
Bu sovrin egasini aniqlash uchun ko‘pchilik ovoz beradi. Yaqinda anig‘ini bilib olamiz”, dedi Santush.