Xabaringiz bor, kelasi yil futzal bo‘yicha U-20 Osiyo chempionati musobaqasi bo‘lib o‘tadi. Bu yil qit’amizda ushbu musobaqaning final bosqichiga saralash bahslari o‘tkaziladi.

Saralash bahlari 4ta mintaqaga, jumladan, Janubi-sharqiy Osiyo, Markaziy Osiyo, Sharqiy Osiyo va G‘arbiy Osiyo mintaqalariga bo‘lingan holda o‘tkaziladi.

E’tiborli tomoni, Osiyo futbol konfederasiyasi Markaziy Osiyo mintaqasi saralashiga mezbonlik qilishni O‘zbekistonga taklif qildi. O‘zbekiston futbol assosiasiyasi bu taklifni qabul qilib, saralash bosqichiga tayyorgarlikni boshlab yubordi.

Ushbu saralash bahslari shu yilning dekabr oyida Toshkentda bo‘lib o‘tadi va unda O‘zbekiston U-20 terma jamoasi ham ishtirok etadi.