Germaniya terma jamoasi bosh murabbiyi Ioaxim Lyov Millatlar kubogining 1-turida Fransiyaga qarshi kechgan uchrashuvdan so‘ng (0:0) fikrlarini bildirdi.

"Bugun o‘yin sifati muhim bo‘ldi, JCH-2018dagi omadsizlikdan so‘ng yaxshi o‘yin ko‘rsatishimiz lozim edi. O‘ylaymanki, buni uddaladik - ahon chempionlariga bir nechta gol urishimiz mumkin edi.

Fransiyaning 10 kishi bo‘lib himoyalanishini bilardik, shuning uchun ularning qarshi hujumiga yo‘l qo‘ymasligimiz kerak edi. Bu ularning eng asosiy quroli.

Biz uddaladik, himoyada yaxshi o‘ynadik. Albatta, bitta o‘yin bilan JCHni xotiradan o‘chirish qiyin. Faqat navbatdagi musobaqadagina buning o‘rnini to‘ldirishimiz mumkin", - deydi Lyov.