Xabaringiz bor, poytaxtimizda ot sportining konkur yo‘nalishi bo‘yicha «FEI World Jumping Challenge Final» musobaqasi bo‘lib o‘tmoqda.

Musobaqada o‘zbekistonlik chavandozlar ham ishtirok etishmoqda. Ikki gitda bo‘lib o‘tgan saralash konkuri keskin kurashlarga boy bo‘ldi. Ikki kun davom etgan bahslar yakuniga ko‘ra, o‘zbekistonlik sportchilar Saidamir Turg‘unboyev va Abdushukur Sobirjonovlar ham kuchli o‘nlikka kirishga muvaffaq bo‘lishdi.

«FEI World Jumping Challenge Final»da sovrinli o‘rinlar uchun bahslar 9 sentyabr kuni bo‘lib o‘tadi. Aynan ushbu bellashuvlardan so‘ng musobaqaning g‘olibi nomi aniq bo‘ladi. G‘oliblik uchun bahslar jarima ochkolarisiz boshlanadi. Demak, barcha chavandozlarda g‘olib chiqish uchun imkoniyat bir hil.