Lionel Messi intervyulari chog‘ida unchalik qiziqarli gaplarni gapirmaydi. Uning o‘ziga xos shabloni bor: «Biz g‘alaba qozonishimiz kerak», «Barselona — mening uyim» va shunga o‘xshash gaplar.
Yaqinda Leo Kataloniyaning Mundo Deportivo nashriga inervyu berdi. Bu safargi suhbatda biroz qiziqarli mavzular xususida so‘z bordi.
CHEMPIONLAR LIGASI HAQIDA
- Oxirgi uch mavsumda YECHLda ko‘ngildagidek ishtirok etolmadik. O‘tgan safargi musobaqa esa so‘nggi yillardagi eng yomoni bo‘ldi. Chempionlar Ligasida g‘olib chiqish vaqti keldi. Tarkibimiz juda yaxshi va sovrinni qo‘lga kiritishga qodirmiz.
TIJORAT HAQIDA
- Bugungi kunda ko‘plab klublar Chempionlar Ligasida g‘alaba qozonishni asosiy maqsad qilib olishgan. Bu esa zamonaviy futbolchilarning fikrlariga ta’sir o‘tkazmoqda. Futbolchilarni pul boshqarmoqda. Ular klub sharafi uchun kurashmay qo‘yishdi. Jamoaviy natijaga erishishdan ko‘ra, mablag‘ muhim bo‘lib qoldi.
OILASI HAQIDA
- Barselonada 13 yildan buyon yashayman. Bu yerda hamma narsam bor. Farzandlarim Kataloniyada tug‘ilishdi. Hayotimni jahonning eng yaxshi klubi va shahrida o‘tkazdim. Yana biror narsa kerak, deb o‘ylamayman.
PENALTILAR HAQIDA
- Aynan shu jihatni kuchaytirishni istayman. Penaltilarni aniq amalga oshirishda yanada effektivroq bo‘lmoqchiman. Bu borada ko‘p mashq qilishning hojati yo‘q. Chunki o‘yin paytida har xil vaziyat bo‘ladi. Penaltini aniq amalga oshirish hamma o‘ylagandek oson emas...
RONALDUNING KETISHI HAQIDA
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
