O‘zbekiston – Eron o‘yini oldidan bugun Toshkent shahridagi “Interkontinental” mehmonxonasida har ikki jamoa a’zolari ishtirokida matbuot anjumani o‘tkazilyapti.

Ayni vaqtda Stadion.uz jurnalisti Akmalxon Eshonxonov matbuot anjumanida O‘zbekiston MTJ murabbiyi Ektor Kuperning bildirayotgan fikrlarini sizlarga yetkizmoqda.

“Ertaga men ikkinchi rasmiy o‘yinda jamoani maydonga olib tushaman. Shu o‘rinda ta’kidlab o‘tishni istardimki, bu o‘yin ham biz uchun sinov bo‘ladi deb ayta olaman.

Ertaga yangi futbolchilar ham maydonga tushadi. Eron terma jamoasi juda ham jiddiy jamoa. Karlush Keyrush Eronni yaxshi shakllantirgan.

Ertaga futbolchilardan jamoaviy o‘yinni talab qilaman va ko‘rsatmalarimga qanchalik amal qilishlariga ham e’tiborimni qarataman”, deydi Kuper.