Bugun Angliya premyer-ligasining beshinchi turidan o‘rin olgan o‘yinlar bo‘lib o‘tadi.

Mazkur turda “Tottenxem” hamda “Liverpul” o‘rtasidagi qarama-qarshilikga guvoh bo‘lamiz.

Bu o‘yin shubhasiz turning markaziy uchrashuvi bo‘ladi Yurgen Kloppning qo‘l ostidagi jamoa “Chelsi” va “Uotford” kabi jamoalar bilan bir hil natija ko‘rsatib kelmoqda.

Biroq, “shporlar”ga qarshi Uemblida o‘ynash juda qiyin bo‘ladi. Ikki jamoa ham hujumkor uslubda o‘ynaydi. Ohirgi 11 ta o‘yinda “Tottenxem” faqatgina bir marta “Liverpul”ni mag‘lubiyatga uchrata olgan.

Demak, qo‘rqmasdan aytish mumkinki, “shporlar” uchun “Liverpul” noqulay raqib. Lekin, Pochettinoning shogirdlari uy uchrashuvlarida yaxshi natija ko‘rsatib kelmoqda. Uemblida o‘tgan 19 ta o‘yinni hisobga olsak “shporlar” faqat bir marta “Manchester Siti”ga mag‘lub bo‘lgan.

“Tottenxem” “Uotford”dan uchragan mag‘lubiyatdan so‘ng o‘ziga kelib oladimi? “Liverpul” joriy mavsumdagi g‘alabali seriyasini beshtaga yetkazib oladimi? Yoki o‘yin durrang bilan yakunlanadimi? Nima bo‘lsa ham ushbu uchraushuv shiddatli ruhda o‘tadi.

Tottenxem – Liverpul

15 sentyabrya, 16:30, “Uembli”, London. Bosh haqam – Maykl Oliver

Tahminiy tarkiblar:

Tottenxem: Vorm, Alderveyreld, Sanches, Vertongen, Trippyer, Eriksen, Dayer, Dembele, Devis  Lukas Moura, Keyn

Liverpul: Alisson, Aleksander-Arnold, Gomes, van Deyk, Robertson, Milner, Veynaldum, Keyta, Saloh, Firmino, Mane