Ispaniya chempionati 4-turidan o‘rin olgan “Real Sosyedad” va “Barselona” uchrashuvi yakunlandi. Mazkur uchrashuv mehmonlarning g‘alabasi bilan tugadi.

O‘yinning 12-daqiqasida mezbonalr standart vaziyatni golga aylantira olishdi: Aris Elustondo jarima maydonidan qaytgan to‘pni kuchli zarba bilan darvozaga aniq yo‘naltirdi va jamoasini oldinga olib chiqdi.

Uchrashuvning 63-daqiqasida Luis Suares hisobni tenglashtirdi: burchakdan uzatilgan to‘pni Jerard Pike boshi bilan darvoza tomon yo‘ladi, posbondan qaytgan to‘pni urugvaylik futbolchi darvozaga joylab qo‘ydi.

Oradan uch daqiqa o‘tar-o‘tmas yana burchak zarbasi kataloniyaliklarga omad keltirdi, Usmon Dembele jarima maydonidan qaytgan to‘pga zarba berdi, to‘p esa ikki bor rikoshetga uchrab Ruli darvozasidan joy oldi.

Shundan so‘ng, ikki jamoada ham bir qator golga tortadigan hujumlar bo‘ldi, biroq jamoalar ulardan unumli foydalana olmadilar.

Shu tariqa, «Barselona» 4-turda ham g‘alabani qo‘lga kiritib, turnir jadvalida peshqadamlik qilishni davom ettirmoqda.

Ispaniya chempionati, 4-tur

Real Sosyedad – Barselona 1:2 (1:0, 0:2)

Gollar: 1:0 – 12 Elustondo, 1:1 – 63 Suares, 1:2 – 66 Dembele.

Real Sosyedad – Ruli, Elustondo, Teo, Saldua, Moreno, Pardo (Sangali, 82), Ilyarramendi (Merino, 82), Xuanmi, Surutusa (Bautista, 73), Oyarsabal, Subeldiya.

Barselona – ter Stegen, Umtiti, Pike, Alba, Serdji Roberto, Rafinya (Buskets, 57), Rakitich, Dembele (Vidal, 77), Nelson Semedu (Koutinyo, 46), Messi, Suares.

Ogohlantirishlar: Ilyarramendi (43), Umtiti (87).