Испания чемпионати 4-туридан ўрин олган “Реал Сосьедад” ва “Барселона” учрашуви якунланди. Мазкур учрашув меҳмонларнинг ғалабаси билан тугади.

Ўйиннинг 12-дақиқасида мезбоналр стандарт вазиятни голга айлантира олишди: Ариц Элустондо жарима майдонидан қайтган тўпни кучли зарба билан дарвозага аниқ йўналтирди ва жамоасини олдинга олиб чиқди.

Учрашувнинг 63-дақиқасида Луис Суарес ҳисобни тенглаштирди: бурчакдан узатилган тўпни Жерард Пике боши билан дарвоза томон йўлади, посбондан қайтган тўпни уругвайлик футболчи дарвозага жойлаб қўйди.

Орадан уч дақиқа ўтар-ўтмас яна бурчак зарбаси каталонияликларга омад келтирди, Усмон Дембеле жарима майдонидан қайтган тўпга зарба берди, тўп эса икки бор рикошетга учраб Рульи дарвозасидан жой олди.

Шундан сўнг, икки жамоада ҳам бир қатор голга тортадиган ҳужумлар бўлди, бироқ жамоалар улардан унумли фойдалана олмадилар.

Шу тариқа, «Барселона» 4-турда ҳам ғалабани қўлга киритиб, турнир жадвалида пешқадамлик қилишни давом эттирмоқда.

Испания чемпионати, 4-тур

Реал Сосьедад – Барселона 1:2 (1:0, 0:2)

Голлар: 1:0 – 12 Элустондо, 1:1 – 63 Суарес, 1:2 – 66 Дембеле.

Реал Сосьедад – Рульи, Элустондо, Тео, Сальдуа, Морено, Пардо (Сангальи, 82), Ильярраменди (Мерино, 82), Хуанми, Сурутуса (Баутиста, 73), Ойарсабаль, Субельдия.

Барселона – тер Стеген, Умтити, Пике, Альба, Серджи Роберто, Рафинья (Бускетс, 57), Ракитич, Дембеле (Видаль, 77), Нелсон Семеду (Коутиньо, 46), Месси, Суарес.

Огоҳлантиришлар: Ильярраменди (43), Умтити (87).